Robert Burns Jr. një nga themeluesit dhe ish basisti i grupit të muzikës rok, Lynyrd Skynyrd, ka vdekur në një aksident në shtetin federal, Georgia të Amerikës, kanë njoftuar autoritetet sot.
Burns Jr, ka qenë 64 vjeçar.
Siç raporton Reuters, ai nuk e kishte të vendosur rripin e sigurimit kur vetura me të cilën udhëtonte doli jashtë rrugës, mbrëmjën e së premtës.
Vetura thuhet se e ka goditur një kuti postare, dhe një pemë afër saj në Cartersville, në veriperëndim të Atlantës, njofton policia e shtetit në Georgia.