Lëvizja Vetëvendosje (VV) në Suharekë ka akuzuar pushtetin lokal që udhëhiqet nga kryetari Bali Muharremaj (AAK) për keqpërdorim të institucioneve publike dhe punësime me motive elektorale, vetëm pak muaj para zgjedhjeve lokale të tetorit.
“Në Suharekë po zhvillohet një fushatë e hapur punësimesh partiake dhe klienteliste”, thuhet në reagimin e VV-së.
Kliko videon: https://www.facebook.com/PrizrenPress/videos/1684680412412465
Hapësira me qira në objektet e reja te ‘RENELUAL TAHIRI’ në Prizren
Sipas këtij subjekti politik, këto punësime e emërime po bëhen me qëllim të përfitimit elektoral dhe jo në interes të qytetarëve.
VV i është referuar konkretisht emërimit të një personi në pozitën e zëvendësdrejtorit të Gjimnazit “Jeta e Re” në Suharekë, për të është mbështetës i hapur i kryetarit Muharremaj dhe AAK-së.
“Ky person, i cili nuk heziton të shfaqë mbështetjen ndaj AAK-së edhe në rrjetet sociale, po shpërblehet me pozitë publike duke anashkaluar çdo proces transparent dhe meritor”.
“Nuk kemi të bëjmë me ndonjë përjashtim, por me një praktikë të qëllimshme ku administrata publike përdoret si mjet për forcimin e lidhjeve partiake dhe për interesa personale”.
VV e ka quajtur këtë qasje “tregues të qartë të frikës së pushtetit aktual nga humbja në zgjedhje” dhe ka shtuar se “kjo është jo vetëm e papranueshme, por edhe e dëmshme për zhvillimin demokratik të komunës sonë”.
“Qytetarët e Suharekës meritojnë institucione që i shërbejnë atyre – jo poste që përdoren si shpërblime partiake”./PrizrenPress.com/
