Lëvizja Vetëvendosje. përmes një kumtese ka hedhur poshtë deklarimet e Policës së Kosovës për protestën e nesërme.
“Policia e Republikës së Kosovës po e vazhdon represionin e vet, të urdhëruar politikisht, ndaj qytetarëve protestues të Kosovës. Me deklaratat e saj policia është duke i dezinformuar qytetarët, dhe njëkohësisht po synon t’i frikësojë ata. Nuk ka asgjë të vërtetë prapa deklaratave të tyre.
“Lëvizja Vetëvendosje dëshiron të sqarojë opinion e gjerë publik se është e gjitha në mobilizim e sipër për protestën paqësore që do të organizohet nesër në Prishtinë për shkarkimin e Jabllanoviqit dhe mbrojtjen e Trepçës me ligj të veçantë që e kthen atë në ndërmarrje publike.
Policia e Kosovës ka treguar se tashmë është kthyer në një vegël politike të një qeverie të verbuar nga pushteti që refuzon t’i përgjigjet kërkesave të qytetarëve. Policia e Kosovës po kthehet në mjetin kryesor të qeverisë që po përpiqet ta kthej Kosovën në një shtet policor”, përfundon kumtesa e VV-së.