Libri që do t’ua ndryshojë mënyrën e të menduarit për vetveten. Lexojeni atë ngadalë, pastaj lexojeni prapë, sepse ai ka për të ndryshuar mënyrën se si do të mendosh për punën, për botën dhe për vetë jetën tënde. Janë këto porositë që japin për lexuesit, kritikët e librit “Të menduarit shpejtë dhe të menduarit ngadalë”, vepër kjo e Daniel Kahneman, që tashmë u botua edhe në gjuhën shqipe.
Kahneman është fituesi i National Academy of Sciences Best Book Award për vitin 2012, e një vit më parë është zgjedhur nga New York Times si një nga librat më të mirë për vitin 2011 dhe është shpallur si libri më i mirë i vitit nga “Globe” dhe “Mail”.
Sipas kritikëve, ky libër përbënë një ngjarje historike, që sipas tyre radhitet tek botimet e Adam Shmith dhe Sigmund Frojd.
E disa, Daniel Kahneman, e cilësojnë si një nga psikologët më të mëdhenj të të gjitha kohërave e edhe si psikologun më të rëndësishëm sot në botë. Vepra e Kahneman ka 531 faqe, që është përkthyer nga Bashkim Shehu me botues IDK.