15.8 C
Prizren
E premte, 31 Maj, 2024

VV-ja në Rahovec: Ne do ta mbrojmë votën!

VV-RahovecLëvizja Vetëvendosje! në Rahovec, ka mbajtur takimin mobilizues për fushatë me moton, “Ne do ta mbrojmë votën!”.

Kandidati për kryetar komune, Dervish Çadraku tha se këto zgjedhje janë një mundësi e mirë për të gjithë që t’i japin fund keqqeverisjeve komunale, e sigurisht që të ndodhë ndryshimi edhe në Rahovec. “Kësaj radhe kemi rastin dhe mundësinë që propozimet tona si Lëvizje për zgjidhje të problemeve t’i bëjmë punë të kryera në Komunën e Rahovecit. Ne kemi alternativën dhe zgjidhjen për problemet e Rahovecit, andaj kërkoj nga të gjithë që të angazhohemi bashkërisht që ta ndryshojmë këtë qeverisje”, përfundoi Çadraku.

Bartësi i listës së Lëvizjes në Rahovec, njëkohësisht shefi i shtabit zgjedhor të kësaj Komune, Azbi Gashi njoftoi të gjithë pjesëmarrësit për përgatitjet që po bën VV-ja për këto zgjedhje. “Në secilin vendvotim do të angazhojmë nga një komisionerë dhe 2 vëzhgues. Këta komisionerë e vëzhgues do të trajnohen në mënyrë profesionale për të gjitha procedurat zgjedhore dhe për parandalimin e manipulimit të votës. Këta do të jenë mbrojtësit e ndryshimeve që do t’i vinë Rahovecit pas 3 nëntorit”, tha ndër të tjera Gashi.

Ndërkaq, sekretari organizativ i VV-së, Dardan Molliqaj duke përsëritur rëndësinë e mbrojtjes së votës tha se subjektet tjera politike nuk kanë zgjidhje për problemet e alternativë qeverisëse. “Këto kanë grupe kriminale që vjedhin vota. Dallimi është i qartë mes nesh dhe atyre. Ne jemi të interesuar ta mbrojmë secilën votë, ata janë të interesuar ta vjedhin secilin votë”. Ai po ashtu theksoi që përveç punës si komisionerë secili aktivist është e nevojshme të angazhohet gjatë kësaj kohe./PrizrenPress.com/

Më Shumë

Fondacioni Golden Eagle ndan 5,000 euro për 18 vjeçarin nga Prizreni

Fondacioni Golden Eagle ndan 5,000 Euro për 18 vjeçarin nga Prizreni, Argjend Jonuzaj dhe bën ftesë për të gjithë shqiptarët që t’u dalin në...

Daja nuk do të largohet nga Ballkani

Skuadra e Ballkanit ka njoftuar se trajneri Ilir Daja do të mbetet pjesë e kampionit të Kosovës edhe për dy vite tjera. “Ashtu siç kemi...

Lajmet e Fundit