22.8 C
Prizren
E premte, 29 Mars, 2024

Xhabali: Dhjetë mijë qytetarë kanë nënshkruar peticionin kundër degradimit urbanistik të Prizrenit

Valon XhabaliAfër 10 mijë qytetarë kanë nënshkruar peticionin për ndalimin e degradimit urbanistik të Prizrenit. Koordinatori i Programit për Trashëgimi Kulturore në OJQ “EC Ma Ndryshe”, Valon Xhabali tha se peticioni do të jetë i hapur deri në dhjetor të këtij viti, kur edhe pritet të marrë detyrën kryetari i ri apo kryetarja e re e Komunës së Prizrenit “Deri më tash këtë peticion e kanë nënshkruar afër 10 mijë qytetarë. Besojmë se deri në dhjetor numri i qytetarëve që do të nënshkruajnë këtë peticion do të rritet”,  tha  Xhabali.

Organizata Joqeveritare “Ec Ma Ndryshe” dhe “Dokufest”, muajin e kaluar kanë nisur iniciativën qytetare për të ndalur degradimin e mëtejshëm urban të qytetit të Prizrenit. Disa nga kërkesat më të rëndësishme të këtij peticioni janë: Ndalimi i të gjitha aktiviteteve ndërtuese që nuk janë në pajtim me ligjet, rrënimi i të gjitha strukturave të ndërtuara që nuk janë në pajtim me ligjet, shpallja e vitit 2014, si vit të luftës kundër praktikave degraduese dhe kundërligjore në urbanizmin e qytetit, themelimi i një grupi punues për të hartuar Planin e Veprimit për Rend Urbanistik, krijimi i mekanizmave konkret të bashkëpunimit me organizatat e shoqërisë civile, kujdesi i veçantë ndaj Qendrës Historike të Prizrenit.

Xhabali tha se pikat aktuale të mbledhjes së nënshkrimeve janë: Sheshi ‘Shatërvan’, shëtitorja ‘Marashi’, ekipet lëvizëse nëpër lagjet e qytetit dhe një numër i lokaleve afariste kryesisht në qendër të qytetit.”Qyteti i Prizrenit duhet të mbrohet nga ndërtimet e egra. Fatkeqësisht Zona Historike cdo ditë po shkatërrohet nga këto ndërtime”, tha Xhabal.

Sipas tij, iniciativa për të realizuar këtë peticion është marrë pasi që institucionet nuk kanë treguar vullnet që të ndalin degradimin urbanistik të Prizrenit. “ Nuk kemi parë vullnetin e institucioneve që të ndalojnë degradimin urbanistik të Prizrenit”, tha ai.

Xhabali fton të gjithë qytetarët që të nënshkruajnë këtë peticion dhe t’i dalin në mbrojtje ndalimit të degradimit urbanistik të Prizrenit. “ I ftoj të gjithë qytetarët që të nënshkruajnë peticionin dhjetë mbrojnë qytetin nga ndërtimet e egra që po bëhen në zonat historike”. /PrizrenPress.com/

Më Shumë

Abdixhiku nga Prizreni kërkon rindërtimin e besimit të LDK-së

Është shënuar 34 vjetori i themelimit të LDK-së në Prizren. Kryetari i këtij subjekti politik, Lumir Abdixhiku, ka ftuar të gjithë që t’i bashkohen LDK-së. “Ditën...

Detyruan të miturën në shërbime seksuale, aktakuzë ndaj dy personave në Prizren

Prokuroria Themelore në Prizren ka ngritur aktakuzë ndaj M.P. dhe L.H. për veprat penale “Trafikim me njerëz” dhe “Shërbime seksuale të viktimës së trafikimit”,...

Lajmet e Fundit