Deputeti i Nismës Zafir Berisha ka fajësuar liderin e PDK-së Hashim Thaçin për rastin e Sami Lushtakut dhe luftëtarëve të tjerë të cilët gjenden në burg.
“ Adresa është Hashim Thaçi për këtë që po ndodhë me z. Lushtaku dhe qindra luftëtarë tjerë dhe për të tjerët që pritet me ju ndodhë në të ardhmen e shpejtë”, thotë Berisha,transmeton PrizrenPress.
“ Ky tip po shihet se e ka mision që çdo gjë që është vlerë kombëtare në Kosovë do me përdhosë me qëllimin që me lehtë me akomoduar Serbinë dhe mbeturinat e saj në Kosovë vetëm e vetëm me shpëtu vetveten nga të zezat qe i ka bë vendit”.
“Tendenca për me fajsu EULEX-in lidhur me rastin e Sami Lushtakut është tenderë që me i ikë fajtorit kryesor lidhur me Lushtakun dhe luftëtarë që padrejtësisht janë trajtu në mënyrën më jo njerëzore nga e ashtuquajtura drejtësi ku kanë bërë eksperimente me ndjenjat e luftëtarëve dhe vlerat e këtij vendi e që ky fajtor është Hashim Thaçi”
“ Me rëndësi është që të potencohet se edhe Lushtaku ka heshtë kur është eksperimentuar me luftëtarët e UÇK-së që nga 1999 duke menduar se atij nuk do t’i vjen rendi sic janë edhe disa, duke menduar dhe verbërisht i ka qëndruar mbrapa atij që është fajtori kryesor për atë që ka ndodhë, e po ndodhë dhe do të ndodhë me luftëtarët e UÇK.ës”.
“ Kujtoni rastin ‘Kiqina’. Ramdani që mbahen në mënyrë të pa drejt tash e 14 vite në burg, dhe askush nuk e ka ngritë zërin”./PrizrenPress.com/