Kryetari i Kuvendit të Kosovës, Jakup Krasniqi, ka thënë se është vështirë që zgjedhjet parlamentare të mbahen në muajin qershor, ashtu siç po insiston partia më e madhe opozitare LDK-ja.
Pas mbledhjes së sotme të Kryesisë së Kuvendit të Kosovës, kryeparlamentari Krasniqi ka thënë se zgjedhjet duhet të organizohen gjashtë muaj pas përfundimit të reformës zgjedhore.
Krasniqi duke folur për vendet e rezervuara për minoritetet, ka thënë se ka ardhur koha që minoritetet të përfaqësohen me votë në Kuvendin e Kosovës.