Një zyrtare policore është raportuar e zhdukur në komunën e Rahovecit, nga dita e diele.
Në lidhje me si trajtohen zhdukjet ka folur ish-koloneli i Policisë së Kosovës, Refki Morina, i cili potencoi se të gjitha rastet i trajtojnë njëjtë.
Në rastin e polices, ai theksoi se janë duke punuar për gjetjen e saj.
“Çdo javë kemi persona të cilët na paraqiten të zhdukur, të moshuar ose të moshave të ndryshme, shumica e tyre kthehen pas një kohe, fatkeqësisht kemi edhe raste që përfundojnë tragjikisht “, u shpreh Morina në Klan Kosova.
“Për sa i përket procedurave janë të njëjta, sa i përket personave të zhdukur, me rastin e lajmërimit nga vajza e zyrtares policore se është zhdukur mamaja e saj, njësia hetimore në kuadër të stacionit edhe në nivel rajonal angazhohen në familjen e saj të ngushtë për të marrë informacione”.
“Kolegët janë duke punuar sistematikisht, duke marrë informacione nga familja”.
