Vetëm pak orë pasi Agim Veliu e emëroi si koordinator nacional për siguri kibernetike, Zafir Berishës i është thyer profili i tij në rrjetin shoqëror Facebook.
Një person ka postuar në profilin e tij se, Facebook-u i zëvendësministrit nga Prizreni është thyer.
“Mos më shkruani mesazhe se ia kthej Facebook-un, as që jam tu e kontrolluar. Vetëm, vlerësojeni ju se në dorë të kujt ka mbetur siguria kibernetike”, thuhet në profilin e Berishës, por që autori i këtij shkrimi nuk dihet.
Zafir Berisha që vjen nga NISMA Socialdemokrate, sot mori një post të ri në qeverinë e Kosovës. Ai u emërua koordinar nacional për siguri kibernetike nga Agim Veliu, ministër i Punëve të Brendshme.
Këto janë postimet që janë bërë në emër të Berishës para pak qestesh.
