Skulptori i shtatores së Skenderbeut në Prizren, Sinan Aliaj ka treguar në “Prime Time” të Kanal 10 për përfshirjen e tij në politikë.
Pasi që ka qenë edhe ish-ushtar i Ushtrisë Çlirimtare të Kosovës, Aliaj ka treguar se pas luftës është kyçur për një kohë edhe në politikë.
“Po kam qenë i angazhuar në PDK dhe NISMA, por kam vendosur që të ndjek jetën time profesionale”, ka thënë ai.
Ai ka treguar gjithashtu se e ka mik shtëpie Kadri Veselin, ndërsa ka mohuar se ka qenë i kyçur në Shërbimin Informativ të Kosovës – SHIK, para ose pas luftës.