Inspektorati Qendror i Mbikëqyrjes së Tregut ndalon shitjen e 49,352 paketimeve të produktit hurma për mos përputhje të peshës së deklaruar në parapaketim.

“Gjatë inspektimeve të zakonshme që Inspektorati Qendror i Mbikëqyrjes së Tregut, realizon çdo ditë, në disa subjekte ekonomike të inspektuara, është hasur në parregullësi sa i përket mospërputhjes së peshës së deklaruar të produkteve”, thuhet në njoftimin e inspektoratit.

“Bëhet fjalë konkretisht për produktin hurma, me ç’rast është ndaluar shitja e 49,352 paketimeve të këtij produkti”.

“Inspektorët e Tregut në bashkëpunim me zyrtarët e Metrologjisë, pas marrjes së mostrave kanë konstatuar së produktet hurma të peshës 550 gram dhe 600 gram nuk e kanë peshën e deklaruar sikurse në parapaketim dhe të njëjtat nuk e plotësojnë kriterin e mesatares dhe atë të përmbajtjes në etiketë”.

“Si rrjedhojë, subjektet ekonomike janë obliguar që të ndërmarrin veprimet e nevojshme për t’i eliminuar këto parregullsi, përkatësisht të vendosin deklaracionin me peshën e saktë të produkteve, dhe në secilin rast janë marrë masa ndëshkuese në pajtim me legjislacionin në fuqi”.

“Ministria e Industrisë, Ndërmarrësisë dhe Tregtisë përmes Inspektoratit Qendror të Mbikëqyrjes së Tregut mbetet e përkushtuar për mbrojtjen e konusmatorëve dhe konkurrencën e drejtë në tregun e Republikës së Kosovës”.

Kryetari i Komunës së Rahovecit, Smajl Latifi, bashkë me familjarë, bashkëluftëtarë të UÇK-së dhe qytetarë, në 25-vjetorin e rënies, sot nderuan kujtimin për 2 dëshmorët dhe 5 martirët e fshatit Nagac.

“Në shenjë kujtimi për ta, bashkë me nxënësit e ShFMU “Nesimi Elshani” – Nagac, mbollën shtatë (7) fidanë pranë varreve të tyre. Kujtimi i veprës së dëshmorëve dhe martirëve është i përhershëm! Lavdi!”, thuhet në njoftim.

Kryetari i Komunës së Rahovecit, Smajl Latifi, bashkë me familjarë, përfaqësues të OVL-së, bashkëluftëtarë e qytetarë të shumtë, kanë nderuar të martën sakrificën e 9 dëshmorëve dhe të 34 martirëve nga Hoça e Vogël.

“Ky fshat i vogël, por me zemër të madhe, e pagoi shtrenjtë çmimin e lirisë, sepse hordhitë serbe mësynë mbi popullin e paarmatosur, më 2 prill të vitit ’99, duke vrarë gra e fëmijë, të rinj e pleq dhe duke shkretuar gjithçka që u dilte përpara. Prandaj, këto varre bëjnë që lidhja jonë me tokën të jetë më e fuqishme dhe ne nuk do ta harrojmë kurrë gjakun e derdhur dhe vajin e fëmijëve e lotin e nënave mbi varre. Lavdi e përjetshme atyre që u flijuan për liri!”, ka thënë kryetari Latifi.

Ka përfunduar e qetë protesta e sotme e punëtorëve të Telekomit të Kosovës, të cilët po kërkojnë debllokimin e xhirollogarive të kësaj kompanie, në mënyrë që punëtorët të kenë mundësinë të marrin pagat.

Sindikalistët kanë bërë të ditur se në protestën e sotme kanë marrë pjesë vetëm një pjesë e punëtorëve dhe kryesisht ata që kanë qenë të lirë, pasi nuk kanë dashur të dëmtojnë procesin e punës.

“Arsyeja e thirrjes së protestës në kohë të pauzës e ka një domethënie, sepse ne nuk kemi dashur që në protestën e parë t’i mbledhim të gjithë punëtorët, pasi nuk kemi dashur ta pengojmë procesin e punës. Kjo është vetëm një pjesë e punëtorëve që janë brenda pauzës”, ka theksuar kryetari i Sindikatës së Punëtorëve të Telekomit të Kosovës, Lami Balaj.

Ai tutje ka bërë të ditur kërkesat e tyre, siç janë debllokimi i llogarive, të cilat janë të bllokuara që nga 29 shkurti nga një përmbarues privat, ndonëse sipas tij shkalla e dytë e gjykatës ka marrë një vendim në favor të Telekomit.

Ai ka kërkuar Shkalla e dytë e Gjykatës Komerciale që të marrë një vendim sa më të shpejtë lidhur me këtë çështje.

“Besojmë se do të marrin vendim pozitiv dhe nuk do të na lënë pa paga. Këta punëtorë punojnë për paga dhe të gjithë kemi familje dhe 90 përqind jemi edhe në kredi”, ka shtuar ai.

Si kërkesë tjetër ai ka përmendur hetimet që duhet t’i kryejë prokuroria në Telekom për siç tha ‘krimin e organizuar në vazhdimësi’.

“Kërkesa jonë tjetër është që prokuroria e shtetit të mos rrijë në gjumë, sepse nuk i kemi bërë thirrje prokurorisë vetëm sa për sy e faqe. Telekomi është shkatërruar nga krimi i organizuar dhe nga kontratat e dëmshme, të cilat janë nënshkruar në vazhdimësi. Përgjegjësinë për këto kontrata e kanë pasur qeveria dhe parlamenti në vazhdimësi që kanë qenë, sepse qeveritë kanë qenë ato që kanë menaxhuar me Telekomin. Ata njerëz që kanë menaxhuar këtu kanë qenë të emëruar nga Qeveria e Kosovës”, ka shtuar Balaj.

Ai u ka bërë thirrje Qeverisë dhe Kuvendit të Kosovës që t’i bëjnë presion prokurorisë për të hetuar kontratat në Telekom ndër vite.

Punëtorët e Telekomit kanë mbetur pa paga që nga 29 shkurti./rtk

Marketing

Ndërmarrja “3D-Fesali” në Prizren, partneri më i besueshëm për çdo projekt ndërtimi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

NATO-ja më 4 prill shënon 75 vjetorin e themelimit.

Për nder të kësaj date është lansuar një dokumentar, i cili kujton të arriturat e saj që nga fillimi.

Aty përmendet edhe viti 1990-të, ku organizata më e fortë ushtarake në botë ndihmoi për t’i dhënë fund konflikteve etnike në Ballkanin Perëndimor.

Këtu nuk mungon as lufta në Kosovë.

“Presidenti i Republikës Federale të Jugosllavisë, Sllobodan Millosheviq, urdhëroi një goditje brutale ndaj shqiptarëve në Kosovë”.

Me këto fraza, shpjegohet lufta në Kosovë dhe ndërhyrja e NATO-s.

Në dokumentar përfshihet edhe deklarata e Javier Solana që në atë periudhë ishte Sekretar Gjeneral i NATO-s.

“Ne duhet të ndalojmë dhunën dhe ti japim fund një katastrofe humanitare që po ndodh tani në Kosovë”, thotë Solana.

NATO-ja zhvilloi një fushatë ajrore, e cila zgjati 78 ditë në vitin 1999-të kundër caqeve ushtarake dhe policore të Serbisë.

“Intervenimi i NATO-s i dha fund konfliktit”, thuhet në dokumentarin e NATO-s ku flitet për luftën në Kosovë.

Në vitin 2024, NATO është më e madhe dhe më e fuqishme, politikisht dhe ushtarakisht, se sa ishte në vitin 1949, thuhet tutje në dokumentar.