27.7 C
Prizren
E hënë, 15 Shtator, 2025

210 raste pickimi nga rriqrat në Suharekë

RriqratSivjet në Komunën e Suharekës janë pickuar nga rriqrat 210 qytetarë, ka bërë me dije të dielën drejtori i Qendrës Kryesore të Mjekësisë Familjare në këtë komunë, Melit Elshani.

Ai ka njoftuar se në mesin e të pickuarve nuk ka pasur ndonjë të infektuar dhe pas heqjes së rriqrës nga trupi pacientët janë liruar për në shtëpi.

Këta pacientë, sipas Elshanit, trajtohen si raste urgjente dhe nuk kanë nevojë të presin radhë kur paraqiten për ndihmë mjekësore, shkruan Koha Ditore.

QKMF-ja, sipas tij, është e pajisur mirë me material të nevojshëm si dhe ka një staf profesional e të përgatitur mirë për këtë çështje. “Gjendjen e kemi nën kontroll”, ka theksuar Elshani.

Drejtori i Drejtorisë për Shëndetësi dhe Mirëqenie Sociale në Suharekë, Frashër Behluli, ka thënë se fillimi i spërkatjes selektive në zonat endemike varet nga niveli qendror dhe se komuna është e përgatitur të jetë pjesë aktive e kësaj faze.

Zona endemike të kësaj komune konsiderohen fshatrat që shtrihen në fqinjësi me Komunën e Malishevës duke filluar nga Nishori, Sllapuzhani, Semetishti, Studençani, Samadraxha, Dobërdolani, Krushica e Epërme dhe Krushica e Ulët.

Fshati Nishor i Suharekës njihet si fshati ku për herë të parë më 1954 kishin ndodhur disa vdekje brenda një familjeje nga ethet hemorragjike krime-kongo.

Pas luftës ndërkaq është shënuar vetëm një rast vdekjeje nga ethet hemorragjike ndër qytetarët e Suharekës.

Më Shumë

Mike Tyson trondit botën me rrëfimin e tij: Kam përdorur drogë për të përballuar dhimbjet

Legjenda e boksit, Mike Tyson, ka bërë së fundmi një pranim të habitshëm duke zbuluar se përdorte fentanyl për të përballuar dhimbjet gjatë karrierës...

Bashkimi e nis kampionatin në Gjakovë kundër Vëllaznimit

Nënkampioni i Kosovës, Bashkimi, do ta nis edicionin e ri të ProCredit Superligës së Kosovës në basketboll me një përballje të zjarrtë ndaj rivalit...

Lajmet e Fundit