Kryetari i PDK-së në Prizren Shaqir Totaj, sot në një konferencë për media, ka akuzuar pushtetin lokal se nuk ka bërë asgjë në rregullimin e shtëpisë ku në vitin 2016 humbi jetën vogëlushja, Xheneta Gashi.
“Para 4 vitesh ky objekt ka qenë në këtë gjendje, sot është njësoj, por sot protestat nuk ekzistojnë më, apo duhet të përsëriten tragjeditë që VV-ja të reagojë përsëri”, tha Totaj
“VV-ja në vitin 2016 ka akuzuar në mënyrat më të rënda qeverisjen e atëhershme për tragjedinë e ndodhur,ku ka premtuar se me ta në pushtet këto gjëra do të parandalohen dhe do të zgjidhen, por realiteti po tregon ndryshe”.
“Objekti në fotografitë e paraqitura dhe në prapavijë të konferencës duket akoma njësoj si në vitin 2016!Rregullimi i këtij objekti duhet të shtyhet para nga Qeverisja Lokale pasi që është objekt me rrezikshmëri të lartë për qytetarët e Prizrenit dhe kemi rrezikun permanent për rrënim dhe humbje jete”.
“Për më tepër tashmë Qeverisja Lokale dhe ajo qendrorja janë të së njëjtës parti, kanë ngritur kauzë e kanë ftuar protesta në vitin 2016, por sot asnjë lëvizje për restaurimin e këtij objekti!”.
Totaj ka ftuar institucionet relevante që të marrin masa të menjëhershme dhe të parandalohet të ndodh tragjedi për të dytën herë.
“Qeverisja Lokale në Prizren ka qëndruar në heshtje, për pothuajse 4 vite në pushtet, për këtë çështje sa të ndjeshme poashtu dhe të dhimbshme e të rrezikshme për qytetarët”./PrizrenPress.com/
