Në Prizren raportohet se një person ka bërë vetëvrasje.
Policia përmes raportit 24-orësh të enjten ka njoftuar se fillimisht ishte njoftuar për plagosje, porse në vendin e ngjarjes, pas një komunikimi me babanë e viktimës, është kuptuar se bëhet fjalë për vetëvrasje.
“Një ekip e emergjencës ka dalë në vendin e ngjarjes dhe ka konstatuar se trupi i viktimës është pa shenja jete”, thuhet në njoftim.
Policia ka bërë të ditur se në vendin e ngjarjes është gjetur dhe është sekuestruar një armë zjarri AK 47 me të cilën dyshohet se viktima ka kryer aktin.