Ministria Amerikane e Drejtësisë po e akuzon ish-boksierin e peshave të rënda nga Mali i Zi, Goran Gogiq, se ka kontrabanduar 22 tonë kokainë me vlerë mbi një miliard dollarë.
Gogiq u arrestua të dielën në mbrëmje derisa tentoi të hipte në një fluturim për në Zvicër nga Aeroporti Ndërkombëtar i Majamit, pasi u padit nga një juri e Nju Jorkut, raportoi Reuters.
Prokurorët e akuzuan Gogiqin me tre akuza për shkelje të ligjeve federale detare për kontrabandën e drogës dhe një akuzë për komplot.