vit po shënon numrin më të vogël të blerësve të drunjve për ngrohje për shkak të çmimit të lartë të tyre.
Duke pasur parasysh se shumica e banorëve të Prizrenit këtë lëndë djegëse e kanë bazë kryesore të ngrohjes, Komuna e Prizrenit ka vendosur që t’i furnizojë me nga tre metra dru rastet më të rënda sociale dhe 700 familje të kategorive të luftës.
Si asnjë vit më parë, sivjet ka më pak blerës të druve për ngrohje.
Kjo po ndodh për shkak të çmimit të lartë të kësaj lënde djegëse sidomos prej fillimit të vjeshtës.
Krahas shumë qytetarëve, me drunj kanë mbetur pa u furnizuar edhe kategoritë e luftës, ani pse kanë nisur temperaturat nën minus gradë.
Por, duket se Komuna e Prizrenit do t’u ndihmojë këtyre kategorive, por edhe rastet më të rënda sociale që ka kjo komunë.
Kështu, Edmond Hoxhaj, drejtor i Drejtorisë për Mirëqenie Sociale, tha se pjesa më e madhe e qytetarëve të komunës së Prizrenit, bazë kryesorë të ngrohjes në familjet e tyre kanë drunjtë.rtk