Sot, Instituti GAP, në bashkëpunim me Helvetas dhe Projektin për Decentralizimin dhe Përkrahje Komunave (DEMOS), ka publikuar një raport të ri që analizon përmbushjen e premtimeve zgjedhore të kryetarëve të komunave për mandatin 2021-2025, duke përfshirë periudhën deri në fund të qershorit 2024.
Raporti tregon se nga 78 premtimet e qeverisjes aktuale lokale në Komunën e Prizrenit, 36 prej tyre janë realizuar plotësisht, duke përfaqësuar afërsisht 50% të totalit. Po ashtu, 20 premtime janë gjysmë të përmbushura (rreth 25%), 15 janë në fazën fillestare të realizimit (16%), dhe 7 premtime ende nuk kanë filluar (9%).
Sipas raportit, Komuna e Prizrenit ka realizuar gjithashtu një numër të konsiderueshëm projektesh të rëndësishme që nuk ishin pjesë e premtimeve elektorale, duke kontribuar në përmirësimin e jetës së qytetarëve.
Ky raport vlerëson përparimin dhe transparencën e komunave përballë qytetarëve dhe ofron një mjet të rëndësishëm monitorimi për angazhimin gjatë mandatit./PrizrenPress.com/
