Shënimi i 80-vjetorit të themelimit të SHKA “Agimi” përfaqëson një moment të rëndësishëm në historinë e kulturës shqiptare dhe traditës artistike në Kosovë. Shoqëria më e vjetër kulturo-artistike në vend, që ka luajtur një rol kyç në ruajtjen dhe promovimin e identitetit kombëtar, do të nderohet në një ceremoni solemne më 26 nëntor, përcjell PrizrenPress.
Ky vit jubilar do të shoqërohet me përurimin e renovimit të plotë të Shtëpisë së Kulturës “Xhemajli Berisha” në Prizren, një simbol i trashëgimisë kulturore të qytetit. Ky investim përforcon rëndësinë e vazhdimësisë kulturore dhe krijon hapësira moderne për zhvillimin e aktiviteteve artistike.
Kryetari Shaqir Totaj, gjatë pritjes së përfaqësuesve të SHKA “Agimi”, ka shprehur mirënjohje për kontributin e tyre në kultivimin e artit muzikor, koreografik dhe vlerave kombëtare, duke theksuar se roli i kësaj shoqërie është një shembull i përkushtimit dhe pasionit për kulturën kombëtare.
Ceremonia pritet të jetë një ngjarje e veçantë, duke mbledhur artistë, qytetarë dhe figura të shquara nga fusha e kulturës dhe më gjerë, për të festuar këtë trashëgimi të pasur dhe për të shikuar drejt të ardhmes së saj./PrizrenPress.com/
Përjetoni pushime të paharruar dhe dasma magjike në Hotel “Albes Residence”
