Një person është arrestuar mbrëmjen e djeshme në Prizren nën dyshimin për kanosje me armë dhe mbajtje pa leje të një arme automatikë.
Ngjarja ka ndodhur rreth orës 23:00, në rrugën “Ymer Shala” të qytetit.
” Pas njoftimit për kanosje me armë, patrullat e policisë janë dërguar menjëherë në vendin e ngjarjes, ku kanë arrestuar të dyshuarin, A.R. (i lindur në vitin 1985, shtetas i Kosovës). Gjatë kontrollit, i dyshuari është gjetur në posedim të një arme automatikë AK-47, pa karikator, e cila është sekuestruar si provë materiale”, njofton policia.
I dyshuari është intervistuar në prani të avokatit mbrojtës dhe është ndaluar për 48 orë, pas udhëzimit të prokurorit të shtetit.
Hetimet për këtë rast po vazhdojnë nga Njësiti i Hetimeve të Stacionit Policor në Prizren.
Marketing
Përjetoni pushime të paharruar dhe dasma magjike në Hotel “Albes Residence”
