Shoqata për Kulturë dhe Art “Fidani” në Prizren, në kuadër të organizimit të manifestimit tradicional “Ora e Pavarësisë”, shpall konkurs letrar për tregim të shkurtër dhe poezi.
Drejtori i “Fidanit” , Berat Bahtii tha se ky konkurs është i hapur për të gjithë krijuesit.
Kushtet e konkursit:
- Të drejtë pjesëmarrje kanë të gjithë krijuesit, përfshirë letrarët nga diaspora dhe komunitetet në gjuhët përkatëse.
- Çdo autor mund të konkurojë vetëm me një punim (tregim të shkurtër ose poezi).
- Tregimet dhe poezitë duhet të jenë të pa publikuara.
- Poezitë nuk duhet të kalojnë 30 vargje, ndërsa tregimi nuk duhet të jetë më i gjatë se dy faqe A4 (me shkronjat Times New Roman, madhësia 12).
- Poezitë mund të dërgohen përmes postës elektronike: [email protected], ose edhe në tri kopje fizike në zyrën e shtëpisë botuese “Fidani”, rruga “12 Qershori” – p.n., afër shtëpisë së kulturës “Xhemajli Berisha” në Prizren.
- Afati i fundit për dorëzimin e punimeve është 10 shkurt 2025, ora 18:00.
- Juria do të ndajë çmimet:
- Çmimi tradicional “Xhemil Doda” për tregimin e shkurtër.
- Çmimi për tri poezi më të arrira.
- Tema është e lirë.
- Poezitë do të dërgohen me emër dhe mbiemër, pasi do të përfshihen në librin e përbashkët që do të botohet dhe do të përurohet më 17 shkurt 2025 gjatë manifestimit, kur edhe do të shpallen rezultatet.
- Punimet do të vlerësohen nga juria dhe do të identifikohen me shifra.
- Ky aktivitet mbështetet nga Drejtoria për Kulturë, Rini dhe Sport e Prizrenit.
Për informacion shtesë mund të kontaktoni në adresën e lartpërmendur ose në numrin e telefonit: 045-277-633.
Marketing
