Në kuadër të aktiviteteve për shënimin e “Epopesë së Rahovecit”, sot në “Shtëpinë e Artistëve” u hap ekspozita me fotografi të dëshmorëve të Brigadës 124 “Gani Paçarizi”, një nga njësitë më të rëndësishme të Ushtrisë Çlirimtare të Kosovës që veproi në zonën e Rahovecit.
Hapësira me qira në objektet e reja te ‘RENELUAL TAHIRI’ në Prizren
Në këtë ekspozitë morën pjesë familjarë të dëshmorëve, bashkëluftëtarë, qytetarë dhe përfaqësues të institucioneve lokale e qendrore. Të pranishmit patën mundësinë të kujtojnë me nderim jetën dhe veprën e atyre që sakrifikuan gjithçka për lirinë e vendit.
Fotografitë e ekspozuara janë realizuar nga artistët e OJQ-së “Art Studio”, të cilët përmes artit vizual kanë sjellë imazhe të fuqishme që pasqyrojnë trimërinë, përkushtimin dhe idealin e dëshmorëve të kësaj brigade. Ekspozita synon të jetë një urë mes brezave, duke përcjellë kujtesën historike dhe vlerat e luftës për liri.
“Përmes këtyre aktiviteteve, ruajmë kujtesën dhe nderojmë ata që kontribuuan për lirinë që sot e gëzojmë”, theksohet në njoftimin e komunës.
Ekspozita do të qëndrojë e hapur për disa ditë dhe është pjesë e programit të gjerë përkujtimor të organizuar nga Komuna e Rahovecit dhe organizatat partnere, me qëllim të nderimit të historisë së lavdishme të luftës çlirimtare./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
