Vetëvendosje: Arrestohet komisioneri i PDK-së në Korishë të Prizrenit pas një sulmi fizik ndaj qytetarit

Lëvizja Vetëvendosje në Prizren ka njoftuar se një komisioner i Partisë Demokratike të Kosovës (PDK) është arrestuar në fshatin Korishë pas një sulmi fizik ndaj një qytetari gjatë procesit të votimit.

Në reagimin e saj, Vetëvendosje e dënon ashpër incidentin, duke e cilësuar si “shenjë të arrogancës dhe të kulturës së dhunës që nuk ka vend në një proces demokratik”.

“Ftojmë organet e rendit që të merren seriozisht me rastin dhe të ndërmarrin masat e nevojshme ligjore ndaj përgjegjësve”, thuhet në njoftimin e VV-së, raporton PrizrenPress.

LVV-ja u ka bërë gjithashtu thirrje komisionerëve dhe vëzhguesve të saj që të ruajnë qetësinë dhe të mos bien pre e provokimeve, duke theksuar se “asnjë forcë, pushtet apo provokim nuk mund ta ndalë vullnetin e qytetarëve për të shprehur lirshëm dhe me dinjitet votën e tyre sot”.

Policia e Kosovës ende nuk ka dhënë detaje zyrtare lidhur me rastin./PrizrenPress.com

Marketing

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/