Veprimtari i njohur i çështjes kombëtare Adem Demaçi ka uruar të gjithë qytetarët për shtatë vjetorin e pavarësisë së Kosovës, “ të gëzuar e të dëshpëruar” siç është shprehur ai.
“Nuk derdhëm gjak kot, por me të drejtë. Lirinë do ta mbrojmë. Kosovën do ta mbrojmë”, është shprehur Adem Demaçi.
Sa i përket veprimeve të qeverisë së re, ai pret që shumë shpejtë kryeministri Isa Mustafa të veprojë në mënyrën e duhur për të ngritur ekonominë e vendit.
Në një intervistë për RTK1, Adem Demaçi, ka thënë se duhet të vendoset në rend të parë bujqësia dhe se industria e lehtë sipas tij do të hapte vende të reja të punës.
Ai ka përsëritur idenë për rishikimin e të gjitha privatizimeve dhe “të fillohet një privatizim jo i tipit që na u është imponuar neve”.