Një polic i forcave speciale të RENEA-s ka mbetur i vrarë të mërkurën në fshatin e Lazaratit. Lajmi është konfirmuar nga Policia e Gjirokastrës ndërsa sipas njoftimit të policisë, efektivi i RENEA-s u qëllua me plumb në kokë nga një prej banesave të fshatit Lazarat.
Ngjarja ka ndodhur kur Forcat e Ndërhyrjes së Shpejtë ishin në aksion për kapjen e personave që qëlluan në mesnatë, në qendër të fshatit.
Emri i viktimës ende nuk bëhet i ditur, ndërkohë që sipas informacioneve paraprake dy efektivë të tjerë kanë mbetur të plagosur dhe ndodhen në Spitalin e Gjirokastrës, raporton gazeta Shekulli.
FNSH dhe policia tentuan ditën e sotme të hynin në brendësi të fshatit, por u sulmuan nga disa banorë me armë zjarri të rënda si, automatikë dhe snajperë.