Pas humbjes së mbështetjes së Qeverisë PDK- LDK të premten në Kuvend, duket qartë se kjo Qeveri nuk ka autoritet të mjaftueshëm të vazhdojë më tutje. Ekspertët konsiderojnë se ky votim do ta përçajë koalicionin, sepse pretendojnë se deputetët e PDK-së, kundër kanë votuar me qëllim. Tani, pritet që deputetët e LDK-së, të hakmerren dhe këtë gjë mund ta bëjnë në kohën kur Hashim Thaçi do të kërkojë të bëhet president.
Bile Thaçi për mosvotimin e Gjykatës Speciale deputetët e vet i ka quajtur të padijshëm, që në masë të madhe ka ngritur tensionet. Dhe këtu më në fund duhet të bindet edhe bashkësia ndërkombëtare se Thaçi nuk e ka fuqinë që e proklamon, dhe se është figurë e shpenzuar, dhe se Kosovës i duhet një klasë e re politike. Analisti Ilir Fetahu thotë se 13 deputetët e PDKsë, që kanë votuar kundër Gjykatës, nuk është e rastësishme dhe kjo gjë mund ta lëkund Qeverinë./kosova sot/