22.8 C
Prizren
E enjte, 17 Korrik, 2025

Kuvendi, drejt bindjes

Analistët kosovarë presin që deputetët të sillen me përgjegjësi para detyrimeve për t’u ballafaquar me drejtësinë përmes Gjykatës së re dhe në herën e dytë nuk do ta dështojnë sërish seancën

Njohësit e rrethanave politike në Kosovë, të mësuar me praktikat e mëhershme të presionit ndërkombëtar mbi lidershipin vendor dhe institucionet, vlerësojnë se edhe sa i takon dështimit të javës së kaluar për votim të amendamentit kushtetues për Gjykatën Speciale, presioni i faktorit ndërkombëtar në rritje do të ndikojë në marrjen e vendimit të shpejtë për riprocedim në Kuvend dhe votim të suksesshëm.

Driton Selmanaj nga KDI-ja mendon se deputetët, nuk do të mund t’u rezistojnë presioneve ndërkombëtare.

“Mendoj që jo vetëm presioni, sugjerimet e faktorit ndërkombëtar, por mendoj dështimi i PDK-së në seancën e së premtes nuk do të përsëritet, do të marrë fund, sepse dhe raportet eventuale mes subjekteve politike në vend dhe raportet me zyrat diplomatikë në Kosovë do të viheshin skajshmërish në pikëpyetje. Pra, besoj që deputetët këtë herë do të gjejnë formë dhe kurajë që ta procedojnë dhe miratojnë edhe këtë çështje që gjendet para tyre”, tha për “Kosova Sot”, analisti Selmanaj.

Ai pret që riprocedimi në Kuvend do të bëhet pa përpjekje të ndonjë ndryshimi eventual në përmbajtjen e amendamenteve nga hera e kaluar./Kosova Sot/

Më Shumë

Kosova U20 shkruan histori – kualifikohet në çerekfinale të Evropianit të basketbollit

Dardanët e rinj shënuan fitore të madhe dhe historike ndaj Hungarisë me rezultat 78:73 (25:17, 16:21, 19:9, 18:26). Me këtë fitore Kosova U20 te meshkujt...

Gent Ndrecaj kalon nga PSD te NISMA në Suharekë

Në kuadër të përgatitjeve për zgjedhjet lokale të 12 tetorit, NISMA Socialdemokrate ka mirëpritur në radhët e saj ish-anëtarin e Partisë Socialdemokrate (PSD), Gent...

Lajmet e Fundit