Filmi “The Wall” i Roger Waters nuk do të dalë nëpër kinematë e botës deri më 29 shtator, por adhuruesit tashmë mund të shohin pak nga përmbajtja e këtij show që lë pa frymë.
“The Wall” është filmi-koncert për turneun me të njëjtin emër që Waters zhvilloi përreth botës mes viteve 2010 dhe 2013, një “road-movie” për të kaluarën e tij si yll i rockut dhe dokumentar pacifist.
Çfarë meazhi dëshiron të japë ai me këtë film?
“Mendoj që njerëzit do të mbeten të befasuar, madje edhe ata që e kanë parë vetë koncertin, sepse filmi ofron shumë më tepër. Për mua, ka qenë një mënyrë për të reflektuar, mbi indiferencën e dukshme të qytetërimit tonë ndaj atyre që vuajnë, ndaj viktimave të luftërave, personave që nuk kanë liri, të censuruarve, të shfrytëzuarve, të gjithë atyre që mbahen në skajet e shoqërisë”, ka deklaruar Waters.