Të gënjesh nuk është asnjëherë një ide e mirë dhe për më tepër ta bësh këtë në një televizion, është akoma më keq.
Rihanna reagoi në Instagram pas deklaratave të dhëna nga një basketbollist i NBA-së, që pretendonte se po shoqërohej me këngëtaren. Matt Barnes tha për TMZ se kishte dalë në një takim me këngëtaren.
“Rihanna është mikesha ime tani. Jemi miq, por të shohim deri ku do të shkojë kjo miqësi”, thotë ai.
Kjo deklaratë tërhoqi vëmendje duke ditur se Rihanna prej kohësh është ‘single’. Por gjithçka rezultoi një fluskë sapuni që zgjati deri në momentin kur Riri postoi për 2.5 milionë ndjekësit e saj në Instagram përgënjeshtrimin, shoqëruar me një foto të shkëputur nga videoja e intervistës.
“Gënjeshtar. Ajo nuk është me ty! Ajo nuk do të jetë kurrë me ty!”, shkruan këngëtarja, duke shtuar se kjo gënjeshtër e ka lënduar.