Drejtori i Insitutit Demokratik të Kosovës (KDI), Ismet Kryeziu, ka kërkuar që të ndalen kërcënimet për bindje politike. Sipas tij, politika dhe pushteti duhet të ndahen dhe të distancohen nga kjo formë e veprimit.
“Në Koha Ditore sot është shkruar se deputetes Emilja Rexhepi ju ka rrembyer vajza.Stop, krimit, shantazheve e kërcënimeve për bindje politike”, ka shkruar Kryeziu në Facebook.
“Politika dhe pushteti duhet të ndahen dhe të distancohen nga kjo formë e veprimit. Sot nuk pashë asnjë reagim me rastin e kanosjes dhe rrëmbimit të vajzës së kryetares së NDS-it, deputetës Emilija Rexhepi. Madje as në Prizren! A po e normalizojmë jetën dhe politkën në institucionet shtetërore me veprime kriminale?!”.
Ndërkaq, deputetja Emilija Rexhepi, ka shprehur dyshimin se konflikti me PDK-në në Prizren është bërë shkas që persona të panjohur ta rrëmbejnë vajzën e saj për disa minuta. /PrizrenPress.com