Nënkryetari i Komunës së Malishevës, Rexhep Mazreku, ka kërkuar nga drejtorët e drejtorive komunale që të punojnë maksimalisht në realizimin e planit të punës për vitin 2016.
“Realizimi i këtij plani, është detyrë e juaja si drejtori komunale dhe e juaja mbetet të punoni për realizimin e këtij plani”, ka thënë Mazreku.
Nga ana tjetër drejtorët e drejtorive komunale, duke raportuar para nënkryetarit Mazreku, kanë thënë se planet e punës për vitin 2016, kanë filluar të realizohen, ndërsa aktualisht të gjitha punët dhe angazhimet e drejtorive, po shkojnë sipas planifikimeve.
Në mbledhjen e Këshillit të Drejtorëve është bërë me dije se kanë filluar përgatitjet për shënimin e 17 Shkurtit, Ditës së Shpalljes së Pavarësisë së Republikës së Kosovës, si dhe kanë filluar edhe përgatitjet e procedurave për realizimin e projekteve të planifikuara për këtë vit. /PrizrenPress.com