Një preson është kërcënuar me armë në fshatin Bllacë të Suharekës. Zëdhënësi i Policisë në Prizren Hazir Berisha thotë se kërcënimi ka ndodhur në orët e hershme të mëngjesit të ditës së sotme.
“Në orët e mëngjesit, një person kishte shkuar tek një i dyshuar në fshatin Bllacë për t’ ia kërkuar një borxh, por i njëjti nuk ishte pritur mirë nga i dyshuari dhe për më tepër ishte kanosur duke ekspozuar një armë automatike”, thotë Berisha.
“Policia e Suharekës pasi kishte kuptuar për ngjarjen ka kërkuar autorizimin e prokurorit të shtetit për të kryer një kontroll në shtëpinë e të dyshuarit me ç’ rast është gjetur një armë e llojit kallashnikov me 5 fishekë të kalibrit 7.62 mm”.
“Pas sekuestrimit të armës është informuar prokurori i shtetit i cili ka urdhëruar që i dyshuari të ndalët nën masën e arrestit policor”./PrizrenPress.com/