Shkrimtari i njohur shqiptar, Zija Çela, promovon sot në Tiranë një libër me rastin e 70-vjetorit të lindjes së tij.
Bëhet e ditur se libri me tregime “Princi i buzëqeshjes” do të promovohet në Muzeun Historik Kombëtar, me fillim nga ora 11:00.
Çela është një nga shkrimtarët më të njohur të letërsisë moderne shqipe. Për shume vite ai ka punuar në disa revista dhe është fitues i disa çmimeve letrare.
Për lexuesit shqiptarë ai njihet me librat e tij “SOS: Një buzëqeshje”, “Pëllumbat e janarit”, “Lëngata e hënës”, e disa të tjerë.
Çela ka lindur më 25 mars 1946 në qytetin e Shkodrës.
