Policia e Kukësit ka arrestuar katër adoleshentë të dyshuar për vjedhje në këtë qytet.
Nga burime zyrtare bëhet me dije se në pranga kanë rënë shtetasit B.Ç., 16 vjeç; E.C., 17 vjeç; A.E., 16 vjeç dhe E.G., 16 vjeç, të gjithë banues në Kukës. Arrestimi i tyre u bë pasi në bashkëpunim me njëri-tjetrin, ata dyshohen si autorë të disa vjedhje të ndodhura në qytetin e Kukësit, shkruan shekulli. Materialet i kaluan Prokurorisë Pranë Gjykatës së Shkallës së Parë Kukës, për veprën penale”Vjedhja, kryer në bashkëpunim”, parashikuar nga nenet 134 e 25 të Kodit Penal.
Blutë e Kukësit ndaluan shtetasin Eduart Matmuja, 32 vjeç, banues në fshatin Pobreg, pasi Prokuroria e Rrethit Gjyqësor Kukës, më 8 shkurt të këtij viti ka urdhëruar ndalimin e tij për veprën penale ”Prodhim dhe shitje e narkotikëve, kryer në bashkëpunim”.
Po ashtu kjo polici ndaloi shtetasin e shpallur në kërkim Gentjan Shehu, 26 vjeç, banues në fshatin Shtiqën, pasi Prokuroria e Rrethit Gjyqësor Kukës, më 8 mars 2016 ka urdhëruar ndalimin e tij, për veprën penale “Kontrabanda me mallra të tjera, kryer në bashkëpunim”.
(Kosova Sot)