Gazetari Qazim Morina thotë se PDK-ja nuk duhet të ‘keqpërdorë’ ndryshimin e paralajmëruar në Ekzekutivin e Prizrenit. Sipas tij, nëse ndodh ajo që po flitet rreth lakimit të emrave të drejtorëve të rinj të Komunës, “atëherë shpejt kemi me i lyp këta ish- drejtorët që kanë qenë”.
“Shpresoj që dega e PDK-së nuk e “keqpërdor” ndryshimin e paralajmëruar për të bërë regres, por për të përmirësuar imazhin e krijuar, pra për progres”, shkruan Morina në Facebook.
PDK-ja ka filluar reformatizimin e qeverisë lokale në Prizren. Në kuadër të këtij reformatizimi , dy drejtorë janë larguar nga postet e Ekzekutivit të Prizrenit.
“Mendoj se edhe ish-drejtorët nuk kanë qenë të të njëjtit ‘kallup’ dhe se dikush të ndëshkohet për tjetrin”.
“ Aq më tepër nëse në vend të tyre të vjen ndonjë “sekser” i caktuar”.
“Sido që të jetë në këto ndryshime do të shihet edhe roli dhe qasja ndaj Prizrenit e kryetarit të ri të PDK-së, K. Veselit”.
“Konsideroj se ndërhyrja e tij, do të jetë edhe për ata që rizgjedhen”.
“Prizreni meriton vëmendje e seriozitet”./PrizrenPress.com/