Kuvendi i të Rinjve të Malishevës (KRM), përmes një letër falënderimi, ka falënderuar Kryetarin e Komunës së Malishevës, Ragip Begaj, për mbështetje të aktiviteteve të tyre. Këtë letër falënderim, kryetarit Begaj, ja dha sot kryetari i Kuvendit të Rinjve të Malishevës, Lulzim Buzhala, i cili gjithashtu falënderoi edhe sektorët tjerë të komunës, për mbështetjen në aktivitetet e tyre.
“Rinia është potenciali më i madh që kemi ne si komunë, prandaj edhe përkrahja për aktivitetet e juaja dhe të organizatave rinore, është prioritet dhe obligim për ne”, tha me këtë rast kryetari Begaj. Kryetari, gjithashtu tha se do të vazhdoj përkrahja për aktivitetet rinore, të cilat kanë karakter edukativ dhe arsimor dhe kundër dukurive negative.
Nga ana tjetër, kryetari i KRM, Lulzim Buzhala, ka falënderuar edhe sektorët tjerë, si drejtorinë për kulturë, rini dhe sport, pastaj drejtorinë e arsimit, për mbështetjen e vazhdueshme në aktivitetet e KRM. /PrizrenPress.com/