Ministri i Punëve të Jashtme i Kosovës, Enver Hoxhaj, ka thënë se Kosova është e shqetësuar me moszbatimin e marrëveshjeve të dialogut me Serbinë, duke thënë se shteti fqinj është duke promovuar “një lloj diplomacie si ajo sovjetike në dialog” dhe që ngjajnë kohës së Luftës së Ftohtë.
“Arrihen marrëveshje, nënshkruhen marrëveshje, mandej ka prapë negociata për marrëveshje të njëjta, ka përpjekje për devijimin e marrëveshjeve të nënshkruara… dhe e gjitha kjo i ngjan kohës së Luftës së Ftohtë. Do të thotë, Serbia po përpiqet që pala negociatore të lodhet, të rraskapitet dhe të humbë durimin, me qëllim që të mos realizojë marrëveshjet e nënshkruara”, ka thënë Hoxhaj.
“Këto shqetësime i kam ngritur në bisedimet me autoritetet e BE, sepse marrëveshjet po nënshkruhen, por nuk po realizohen”, ka shtuar ai.
Hoxhaj ka thënë se dialogu me Serbinë ka avancuar Kosovën drejt BE-së por edhe ka normalizuar gjendjen në veri të vendit. Ai përmend edhe arritja e marrëveshjeve që kanë të bëjnë me jetën e qytetarëve, ku bëjnë pjesë edhe marrëveshjet për lirinë e lëvizjes, njohjes së vulave doganore që mundëson eksportin e mallrave të Kosovës në Serbi dhe përmes Serbisë në vendet tjera.
“Para dialogut ne kemi pasur një raport platonik me BE-në. Ndërsa vitin e kaluar e kemi nënshkruar dhe ka filluar zbatimi i Marrëveshjes së Stabilizim-Asociimit. Nga ky dialog ka përfituar Serbia por edhe Kosova”, ka thënë Hoxhaj në një intervistë për Deutsche Welle.
I pyetur për liberalizmin e vizave, Hoxhaj nuk ka mundur të japë ndonjë datë se kur kjo mund të ndodhë. Por ai ripërsëritë se së pari duhet të ratifikohet demarkacioni.
“Ne jemi duke bërë përpjekje maksimale që me partnerët dhe miqtë tanë në Bruskel të gjejmë zgjidhje pozitive. Por Kosova ende nuk i ka plotësuar të gjitha obligimet e saj, ndër të cilat është edhe ratifikimi i marrëveshjes për demarkimin e kufirit me Malin e Zi. Duhet të shohim nëse deri në fund të vitit e plotësojmë këtë kusht dhe e ratifikojmë marrëveshjen për demarkimin e kufirit me Malin e Zi, që do të mundësonte edhe lëvizjen e lirë të qytetarëve tanë”, ka thënë Hoxhaj./Insajderi.comMinistri i Punëve të Jashtme i Kosovës, Enver Hoxhaj, ka thënë se Kosova është e shqetësuar me moszbatimin e marrëveshjeve të dialogut me Serbinë, duke thënë se shteti fqinj është duke promovuar “një lloj diplomacie si ajo sovjetike në dialog” dhe që ngjajnë kohës së Luftës së Ftohtë.
“Arrihen marrëveshje, nënshkruhen marrëveshje, mandej ka prapë negociata për marrëveshje të njëjta, ka përpjekje për devijimin e marrëveshjeve të nënshkruara… dhe e gjitha kjo i ngjan kohës së Luftës së Ftohtë. Do të thotë, Serbia po përpiqet që pala negociatore të lodhet, të rraskapitet dhe të humbë durimin, me qëllim që të mos realizojë marrëveshjet e nënshkruara”, ka thënë Hoxhaj.
“Këto shqetësime i kam ngritur në bisedimet me autoritetet e BE, sepse marrëveshjet po nënshkruhen, por nuk po realizohen”, ka shtuar ai.
Hoxhaj ka thënë se dialogu me Serbinë ka avancuar Kosovën drejt BE-së por edhe ka normalizuar gjendjen në veri të vendit. Ai përmend edhe arritja e marrëveshjeve që kanë të bëjnë me jetën e qytetarëve, ku bëjnë pjesë edhe marrëveshjet për lirinë e lëvizjes, njohjes së vulave doganore që mundëson eksportin e mallrave të Kosovës në Serbi dhe përmes Serbisë në vendet tjera.
“Para dialogut ne kemi pasur një raport platonik me BE-në. Ndërsa vitin e kaluar e kemi nënshkruar dhe ka filluar zbatimi i Marrëveshjes së Stabilizim-Asociimit. Nga ky dialog ka përfituar Serbia por edhe Kosova”, ka thënë Hoxhaj në një intervistë për Deutsche Welle.
I pyetur për liberalizmin e vizave, Hoxhaj nuk ka mundur të japë ndonjë datë se kur kjo mund të ndodhë. Por ai ripërsëritë se së pari duhet të ratifikohet demarkacioni.
“Ne jemi duke bërë përpjekje maksimale që me partnerët dhe miqtë tanë në Bruskel të gjejmë zgjidhje pozitive. Por Kosova ende nuk i ka plotësuar të gjitha obligimet e saj, ndër të cilat është edhe ratifikimi i marrëveshjes për demarkimin e kufirit me Malin e Zi. Duhet të shohim nëse deri në fund të vitit e plotësojmë këtë kusht dhe e ratifikojmë marrëveshjen për demarkimin e kufirit me Malin e Zi, që do të mundësonte edhe lëvizjen e lirë të qytetarëve tanë”, ka thënë Hoxhaj.