Ridvan Hoxha nuk do të jetë pjesë e listës zgjedhore të LDK-së në Prizren. Ai nuk ka pranuar që në zgjedhjet e nëntorit të garojë për këshilltar të Asamblesë Komunale.
Burimet e sigurta të “PrizrenPress-it” bëjnë të ditur se Hoxha ka refuzuar ofertën e kandidatit të LDK-së për kryetar të Prizrenit,Eqrem Kryeziut, që të jetë pjesë e listës zgjedhore. “ Hoxha vetë nuk ka pranuar që të jetë pjesë e listës zgjedhore”, tregon burimi.
Këshilltari i LDK-së në Prizren, Ridvan Hoxha, gjatë këtij mandati ka qenë kritiku më i madh i “Qeverisë Muja”.
Sipas burimeve, Hoxha shumë shpejt do t’i jep edhe arsyet pse nuk ka pranuar të jetë pjesë e listës zgjedhore të LDK-së në Prizren.” Nesër ose pasnesër ai do të njoftojë opinionin për arsyet se pse nuk ka pranuar të jetë në listën zgjedhore të LDK-së”, tregon burimi i “PrizrenPress-it”.