Haxhi Avdyli, Haziz Hodaj, Fatmir Memaj, Xhavit Ukaj dhe Hatim Baxhaku, janë caktuar të negociojnë me Vetëvendosjen dhe PDK-në për zgjedhjet e balotazhit në Prizren.
Baxhaku ndërkaq, ka refuzuar të jetë pjesë e këtij ekipi përshkak se ai nuk ka pranuar të bisedojë me PDK-në.
“Baxhaku nuk dëshiron të bisedojë me PDK-së”, tregon një burim brenda LDK-së në Prizren.
Hatim Baxhaku në zgjedhjet e 22 tetorit nuk ka arritur të fitojë për kryetar të Prizrenit. Ai, pas humbjes ka deklaruar se LDK-ja duhet të përkrah Vetëvendosjen në balotazh.
Lidhja Demokratike e Kosovës(LDK) në Prizren, ka formuar një ekip për të negociuar me dy kandidatët që kanë mbetur në balotazh në këtë qytet, Shaqir Totaj dhe Mytaher Haskuka.
Burimet e “PrizrenPress”-it bëjnë të ditur se ekipi negociues është formuar pa debat të brendshëm.
“ Në mbledhje nuk ka pasur debat”, tregon për “PrizrenPress” një burim brenda LDK-së.
“Disa anëtarë kanë dashur që të diskutohet rezultati i zgjedhjeve, por nuk kanë lejuar me arsyetimin se nuk jemi mbledhë për këtë punë”.
Kandidati i PDK-së për kryetar të Prizrenit, Shaqir Totaj dhe ai i Vetëvendosjes, Mytaher Haskuka, në zgjedhjet e 22 tetorit kanë mbetur në balotazh.
Ata, do të përballen me 19 nëntor.
Totaj dhe Haskuka kanë kërkuar mbështetje nga partitë që kanë mbetur jashtë garës./PrizrenPress.com/