Lidhja Demokratike e Kosovës, nëndega në Astrazup, ka demantuar informatën e plasuar nga kryetari i PDK-së në Malishevë, Isni Kilaj, që kinse sot në këtë parti kanë aderuar rreth 30 të rinj në PDK nga radhët e LDK-së.
“Nëndega në Astrazup i bën me dije të gjithë qytetarëve të Malishevës dhe medieve, të cilat kanë publikuar këtë informatë të rrejshme se nuk është asgjë tjetër përveç se një propagandë e ulët e kryetarit të kësaj partie i cili e ka kuptuar tashmë se në këtë nëndegë LDK-ja ka qenë dhe do të jetë gjithmonë bastion i saj, gjë e cila është dëshmuar në të gjitha zgjedhjet e mbajtura prej vitit 2000 e gjerë më tani”, thuhet në kumtesën e Degës së LDK-së në Astrazup, përcjell Telegrafi.
Kryesia e nëndegës në Astrazup deklaron se këto forma të veprimit të PDK-së në Malishevë manifestojnë frikën e tyre për humbjen që do ta pësojnë me 3 nëntor në Komunën e Malishevës.
“Kryesia e kësaj nëndege i bënë me dije kryetarit të PDK-së në Malishevë që të mos manipuloj me qytetarët e Astrazupit se ata e dinë se ky kryetar në ikje nuk ka bërë asgjë për qytetarët e këtij lokaliteti, me premtimet e dhëna pa mbulesë para fushatave elektorale si: ujësjellësin, kanalizimin, shkollën e fshatit, etj, thuhet në komunikatën e nënshkruar nga kryetari i Degës së LDK-së në Malishevë”, thuhet në kumtesë.