Historiani Fidan Shehu thotë se në fshatin Romajë të Hasit, ruhet një thesar i pasur i historisë së Kohës së Hekurit.
“Tumat ilire që i përkasin kohës së hekurit shekujve VII-II p.e.s, janë në formë të një Nekropoli të përbërë nga 16 tuma (varreza ilire), prej tyre është hulumtuar Tuma e Luftëtarëve me diametër 40 metra dhe dy tuma të vogla. Po ashtu në afërsi të Nekropolit gjendet një vendbanim i periudhës romake”, shkruan Shehu.
“Tumat janë të ngritura në bregun e djathtë të Drinit të Bardhë, 1.5 km në perëndim të fshatit Romajë”.
Shehu
Shehu, i cili është magjistar i Historisë dhe Drejtësisë, thotë se ky vend nuk është i njohur nga banorët dhe institucionet e Kosovës.
“Për çudi ky vend nuk është i njohur sa duhet as nga banorët vendas, sepse institucionet e shtetit (Ministria e Kulturës dhe Qendra Rajonale për Trashëgimi Kulturore në Prizren), asnjëherë nuk janë interesuar dhe së paku as nuk e përmendin këtë vendbanim të rëndësishëm kulturor, ku disa eksponate nga ky vendbanim arkeologjik gjenden në Muzeun e Kosovës”/PrizrenPress.com/