Deputeti i Parlamentit të Kosovës, Fatmir Limaj, do të takohet edhe me qytetarët e Prizrenit. Ai në Prizren do të vijë me ftesë të bashkëluftëtarëve të tij.
Burimet e sigurta të “PrizrenPress-it”, bëjnë të ditur se Limaj i është përgjigjur pozitivisht ftesës së bashkëluftëtarëve të tij, që të vijë edhe në Prizren.
Takimi me qytetarë do të mbahet të enjten në Shtëpinë e Kulturës “Xhemajli Berisha” në ora 12:00.
“Limaj është ftuar nga bashkëluftëtarët që të vijë dhe të takohet me qytetarët e Prizrenit. Ai i është përgjigjur pozitivisht ftesës së shokëve të luftës, prandaj të enjten do të takohet me qytetarët në Shtëpinë e Kulturës”, tregon burimi i “PrizrenPress-it”.
Limaj në Prizren, do të vijë për herë të parë pas lirimit të dytë nga të gjitha akuzat për krime të luftës.
Burimet e “PrizrenPress-it” bëjnë të ditur se bashkëluftëtarët janë duke i bërë të gjitha përgatitjet që Limaj të pritet në mënyrë sa më madhështore./PrizrenPress.com/