Punonjësit e spitalit të përgjithshëm “Prim. Dr. Daut Mustafa” në Prizren, të prirë nga menaxhmenti dhe drejtori ekzekutiv, prof. Ass. Dr. frim Avdaj, të shtunën kanë organizuar aksionin për pastrimin e ambientit të jashtëm të spitalit.
“Aksioni për pastrimin e ambientit të jashtëm është shembulli më i mirë i përkushtimit të punonjësve të spitalit, të cilët, krahas ofrimit të shërbimeve shëndetësore për pacientë, janë të gatshëm të kyçen edhe në aktivitete që kanë për qëllim krijimin e një ambienti sa më të pastër dhe të shëndetshëm, siç janë edhe aktivitetet për shënimin e “Ditës Botërore të Pastrimit”, – tha drejtori akzekutiv, prof. Ass. Dr. frim Avdaj ,i cili ishte pjesë aktive e këtij aksioni., ndërsa ka falënderuar të gjithë punonjësit e spitalit, të cilët edhe pse sot kanë ditë pushimi, i janë bashkuar aksionit për pastrimin e ambientit të jashtëm të spitalit.
Në aksion janë bashkuar edhe një grup rinor i qytetit, i cili ishte përcaktuar që të kyçet në aksionin për pastrimin e ambientit të spitalit.
Aksioni është organizuar në kuadër të aktiviteteve për shënimin e “Ditës Botërore të Pastrimit” dhe ftesës së ministrit të Shëndetësisë, Uran Ismaili, ku Ministria e Shëndetësisë është pjesë e Task Forcës për pastrim të formuar nga Qeveria e Republikës së Kosovës. /PrizrenPress.com/