Kandidati i BD-së për kryetar të Prizrenit, Zafir Berisha në kuadër të fushatës zgjedhore është takuar me disa familje të fshatit Zhur. Në këto takime Berisha prezantoi platformën e Bashkimit Demokratik.”Platforma e BD-së u përkrah edhe nga kryefamiljarët e familjeve që u vizituan”.
Pas vizitave nëpër familje kryetari Berisha me bashkëpunëtor mori pjesë në një tryeze e cila ishte organizuar nga intelektualët e Zhurit. Ai në këtë tryezë mbështeti nismën e intelektualëve të Zhurit për organizimin e olimpiadës së diturisë “Eshref Ademaj”. Olimpiada fillimisht do të ketë karakter regjional pastaj komunal e më gjerë.
Qëllimi i Olimpiadës është nxitja e të rinjve për të nxënë dhe studiuar shkencat ekzakte, në veçanti matematikën, njëkohësisht ky aktivitet bëhet edhe për të nderuar veprën e profesorit të madh tashmë të ndjerë akademik “Eshref Ademaj”. /PrizrenPress.com/