Fushata e partive politike ka ndikuar edhe në punën e Kuvendit të Kosovës dhe për këtë arsye sot Kryesia e Kuvendit pritet të vendos se a do të vazhdojnë me seancat gjatë fushatës parazgjedhore apo do të ndërpriten derisa të mbahen zgjedhjet.
Shqyrtimi i kësaj pike u njoftua në seancën e së enjtes nga kryetari i Kuvendit, Jakup Krasini, me rastin e ndërprerjes së seancës për shkak të kuorumit, ku mungonin deputetët e koalicionit qeverisës dhe kabineti qeveritar.
Ai tha se për vazhdimin e punës së mëtutjeshme të Kuvendit gjatë fushatës do të vendoset të hënën në bashkëpunim me Grupet Parlamentare.