Presidenti i vendit Hashim Thaçi ka thënë se është pikëlluar nga vdekja e aktores Leze Qena.
Ai ka thënë se aktorja e madhe që ndërroi jetë sot do t’i mungojë skenës, televizionit dhe tërë Kosovës.
“Me pikëllim mora lajmin për vdekjen e artistes së njohur Leze Qena, në këto ditë të pandemisë. Leze Qena na ka bërë të qeshemi, të qajmë, të duam teatrin e televizionin, të duam artin e jetën, me dekada të tëra. Lezja do t’i mungojë skenës, televizionit, tërë Kosovës. Ngushëllimet më të thella familjes dhe kolegëve të saj”, ka shkruar ai në Facebook.
Leze Qena ka ndërruar jetë mëngjesin e sotëm në moshën 85 vjeçare në Mjekimin Intenziv në Qendrën Klinike Universitare të Kosovës ku po trajtohej nga data 6 mars.