Një foshnjë ka ndërruar jetë nga koronavirusi në SHBA. Rasti është regjistruar në Chicago. Departamenti i Shëndetit Publik në Illinois tha që është vdekja e parë e lidhur me COVID-19 e një foshnje në Shtetet e Bashkuara.
“Një hetim i plotë është duke u zhvilluar për të përcaktuar shkakun e vdekjes. Ne duhet të bëjmë gjithçka që mundemi për të parandaluar përhapjen e këtij virusi vdekjeprurës. Nëse nuk bëjmë diçka për të mbrojtur veten, të përpiqemi të mbrojmë ata përreth nesh”, tha Dr. Ngozi Ezike, drejtori i IDPH.
Në një konferencë shtypi të shtunën, Guvernatori. J.B. Pritzker tha se një punonjës i shtetit dhe një foshnjë kanë vdekur të dy nga COVID-19.
“Unë e di se sa e vështirë mund të jetë ky lajm … U trondita“, tha ai.
Pritzker përsëriti se ekspertët i kanë thënë atij se rreziku i vdekshmërisë tek fëmijët me COVID-19 është shumë i ulët.