Trilogjia e meçeve mes Tyson Furyt dhe Deontay Wilderit mund të kompletohet në Australi, një ditë pas Krishtlindjeve, transmeton “Zeri.info”.
Stadiumi “Bankwest” i Sidneyt është propozuar për zhvillimin e meçit të tretë në mes të britanikut dhe amerikanit.
Meçi fillimisht ishte paraparë të zhvillohej gjatë verës, por situata ndryshoi për shkak të koronavirusit, derisa tash janë duke u eksploruar mundësi të ndryshme.
Meçi mund të zhvillohet në “Boxing Day”, festën britanike një ditë pas Krishtlindjeve, derisa kërkohet që të tërhiqet një audiencë më e madhe televizive.
Promotori Bob Arum së fundmi ka thënë se meçi mund të zhvillohet në Australi, një vend i cili nuk është goditur shumë nga pandemia COVID-19. /Zëri