Trajneri i Valencias, Albert Celades është shkarkuar pas një seri rezultatesh të këqija.
Klubi ka konfirmuar se Voro Gonzalez do të marrë përgjegjësinë e përkohshme të skuadrës, vetëm një ditë pas humbjes së tyre ndaj Villarrealit
Celades u emërua si trajner pas shkarkimit të Marcelino Garcia Toral, por nuk ka mundur që të lërë gjurmë duke fituar vetëm 2 gjatë 13 ndeshjeve.
Celades gjithashtu u përball me një humbje të sikletshme kur skuadra e tij u eliminua në Ligën e Kampionëve kundër Atalanta, duke humbur 8-4 në total.
Valencia gjithashtu pësoi një humbje të rëndë kundër Granadës në çerekfinalen e Kupës së Mbretit dhe nuk arriti të sigurojë një vend në Ligën e Europës duke u renditur momentalisht në vendin e 8-të të La Ligas.