Sot do të vazhdojë seanca e Kuvendit të Kosovës, ku pritet të miratohet raporti i Auditorit të Përgjithshëm për vitin 2012.
Në vazhdimin e seancës së sotme do të formohet Komisionit Ad-hoc për përzgjedhjen e dy anëtarëve të Komisionit të Pavarur për Media, Komisioni Ad-hoc për përzgjedhjen e kandidatëve për anëtarë të Këshillit të Pavarur Mbikëqyrës të Shërbimit Civil të Kosovës.
Po ashtu, pritet të emërohen anëtarët e Organit Përzgjedhës të Pavarur për zgjedhjen e kryesuesit, anëtarët e Organit Shqyrtues të Prokurimit, anëtarët e Bordit të Agjencisë Kosovare të Pronës, si dhe emërimi i dy anëtarëve të Bordit të RTK-së./Kosovapress/